माइतीघर मण्डलामा पछिल्ला १३ दिनदेखि दीपा नेपालीले “सरकार, कोठा खाली छ?” भन्ने प्रश्नसहित आन्दोलन गरिरहेकी छन्। कोठा भाडामा लिँदा थरका आधारमा विभेद भोग्नुपरेको अनुभवपछि उनले यो विषय सार्वजनिक रूपमा उठाएकी हुन्।

उनका अनुसार दलित मात्र होइन, मधेसी र अन्य पहिचान भएका व्यक्तिहरूले पनि यस्तै समस्या भोगिरहेका छन्। कानुनले समानता सुनिश्चित गरे पनि व्यवहारमा विभेद कायम रहेको उनको भनाइ छ।

दीपाले आवास क्षेत्रमा हुने विभेद अन्त्य, कडा कानुनी कार्यान्वयन र समावेशी सहर निर्माणका लागि सरकारसँग माग गरेकी छन्।
यो आन्दोलन अहिले सामाजिक न्याय र समान अधिकारको बहसको केन्द्र बनेको छ।