रास्वपा सांसद निशा डाँगीले झापाको मेचीनगरस्थित बाहुनडाँगीमा हात्तीको आतङ्कले सर्वसाधारणलाई बाच्न नै कठिन भएको भन्दै हात्ती नियन्त्रणका लागि सरकारको ध्यानाकर्षण गराएकी छन् ।

सोमबारको प्रतिनिधिसभा बैठकको आकस्मिक समयमा बोल्दै सांसद डाँगीले आइतबार मात्र ६२ बर्षीया पद्मा पौडेलले आफ्नै घरमा फुल टिप्ने क्रममा ज्यान गुमाउनुपरेको बताइन् । त्यस्तै उनले मेचीनगरमा ३ बिगाहा मकै हात्तीले नष्ट गरेको बताइन् ।

‘यो समस्या आजको होइन, त्यहाँका जनताले ३५४० वर्षदेखिको हात्तीको आतंक भोगिरहेका छन्’, उनले भनिन्, ‘राति सुतेकै ठाउँमा आक्रमण गर्ने चिन्ता हुन्छ । साँझ पर्ने वित्तिकै ४० देखि ५० वटा हात्ती नेपाल प्रवेश गर्छन् र धान, मकै, सुपारी नष्ट गर्नुका साथै घरगोठ भत्किन्छन् ।’

उनले हात्ती आतंकका कारण मेचीनगर र बाहुन डाँगीका जनताले राज्य भएको महसुस गर्न नपाएका भन्दै बाहुन डाँगीलाई हात्ती चरण बनाउनेहरूलाई कारबाही गर्न माग गरिन् । संसदमा यसअघि सांसदहरूले गाउँ बस्तीमा बाँदरको आतंकले मानिसहरू हैरान भएको भन्दै बाँदरको व्यवस्थापन गर्नुपर्ने बताउँदै आएका थिए ।