४० वर्षको उमेरपछि हृदयघात, ब्लकेज र अन्य मुटुसम्बन्धी समस्याको जोखिम बढ्ने भएकाले नियमित स्वास्थ्य परीक्षण गर्न चिकित्सकहरूले सुझाव दिएका छन्।

विशेषगरी लिपिड प्रोफाइल, रक्तचाप परीक्षण (ब्लड प्रेसर), इलेक्ट्रोकार्डियोग्राम (ईसीजी) र तनाव परीक्षण (स्ट्रेस टेस्ट) गराउँदा मुटुसम्बन्धी जोखिम समयमै पत्ता लगाउन सकिन्छ।

रक्तचाप परीक्षणले उच्च रक्तचापका अदृश्य लक्षणहरू पहिचान गर्न मद्दत गर्छ, जसले हृदयाघात, स्ट्रोक र मिर्गौला रोगको जोखिम बढाउन सक्छ। त्यस्तै, लिपिड प्रोफाइल परीक्षणले शरीरमा कोलेस्ट्रोल र ट्राइग्लिसराइडको स्तर मापन गरी हृदयाघातको जोखिम मूल्याङ्कन गर्न सहयोग पुर्‍याउँछ। नियमित परीक्षणले सम्भावित स्वास्थ्य समस्या समयमै पहिचान गरी आवश्यक उपचार तथा सावधानी अपनाउन मद्दत गर्ने चिकित्सकहरूको भनाइ छ।