नेपालगन्ज । बाँकेको नेपालगन्जबाट प्रहरीले १०५ ग्राम ७१० मिलिग्राम खैरो हेरोइनसहित एक जनालाई पक्राउ गरेको छ।

लागुऔषध नियन्त्रण ब्युरो र लुम्बिनी प्रदेश प्रहरी कार्यालयको संयुक्त टोलीले शनिबार बाँकेको डुडुवा गाउँपालिकाका २८ वर्षीय राजेन्द्र लोनियालाई पक्राउ गरेको हो।

प्रहरीका अनुसार विशेष सूचनाका आधारमा गरिएको निगरानी र कारबाहीका क्रममा लोनियाको साथबाट उक्त परिमाणको लागुऔषध बरामद गरिएको हो। पक्राउसँगै बरामद सामग्री नियन्त्रणमा लिएर कानुनी प्रक्रिया अघि बढाइएको प्रहरीले जनाएको छ।

हाल पक्राउ परेका लोनियामाथि जिल्ला प्रहरी कार्यालय बाँकेले थप अनुसन्धान गरिरहेको छ। घटनासँग अन्य व्यक्तिको संलग्नता रहेको वा नरहेको विषयमा समेत अनुसन्धान जारी रहेको प्रहरी स्रोतले जनाएको छ।

प्रहरीले लागुऔषध ओसारपसार तथा कारोबार नियन्त्रणका लागि निगरानी र कारबाहीलाई अझ प्रभावकारी बनाइने जनाएको छ।