कुआलालम्पुर — मलेसियाको उत्पादन क्षेत्रको विक्री मूल्य चालु वर्षको पहिलो त्रैमासिकमा उल्लेख्य रूपमा वृद्धि भएको छ। सरकारी तथ्याङ्क अनुसार यस अवधिमा उत्पादन क्षेत्रको विक्री ५.५ प्रतिशतले बढेर ५०१.५ अर्ब रिंगिट (करिब १२७.९ अर्ब अमेरिकी डलर) पुगेको छ।

मलेसियाको तथ्याङ्क विभाग (DOSM) ले जारी गरेको विज्ञप्तिअनुसार उत्पादन क्षेत्रमा रोजगारीसमेत बढेको छ। यस त्रैमासिकमा कर्मचारी संख्या १.१ प्रतिशतले वृद्धि भई करिब २४ लाख पुगेको छ।

मार्च महिनामा मात्र उत्पादन क्षेत्रले १७३.१ अर्ब रिंगिट बराबरको बिक्री गरेको छ, जुन अघिल्लो वर्षको सोही महिनाको तुलनामा ५.३ प्रतिशत बढी हो।

विश्लेषकहरूका अनुसार उत्पादन क्षेत्रमा देखिएको यो सुधारले मलेसियाको अर्थतन्त्रमा सकारात्मक संकेत दिएको छ।