काठमाडौं । मकवानपुरको भीमफेदी कारागारबाट फरार भएका डाँका चोरी मुद्दाका मुख्य अभियुक्त रुद्र मोक्तानसहित तीन जनालाई प्रहरीले धादिङबाट पक्राउ गरेको छ।

प्रहरीले रुद्र मोक्तान, अशोक तामाङ र उमेश तामाङलाई धादिङको आदमघाटबाट ५ लाख ८० हजार ५४० रुपैयाँ नगदसहित नियन्त्रणमा लिएको जनाएको छ।

मोक्तान डाँका चोरी मुद्दामा भीमफेदी कारागारमा कैद भुक्तान गरिरहेका थिए। उनी जेनजी आन्दोलनका क्रममा भएको अव्यवस्थाको मौका छोपी कारागारबाट फरार भएका थिए। पक्राउ परेका तीनै जनामाथि थप अनुसन्धान भइरहेको प्रहरीले जनाएको छ।