सुर्खेत । कर्णाली प्रदेश सरकारले आगामी आर्थिक वर्ष २०८३/८४ मा १२२ वटा झोलुङ्गे पुल निर्माण गर्ने भएको छ।

भौतिक पूर्वाधार तथा सहरी विकास मन्त्रालयले तुइन विस्थापन गरी झोलुङ्गे पुल निर्माणका लागि ६५ करोड रुपैयाँ विनियोजन गरेको छ। साथै, रणनीतिक सडक आयोजना निर्माणका लागि पनि ६५ करोड रुपैयाँ छुट्याइएको छ।

भौतिक पूर्वाधार तथा सहरी विकासमन्त्री शेरबहादुर बुढाका अनुसार पर्यटकीय क्षेत्रसम्म सडक सञ्जालको पहुँच विस्तार गर्न सडक र पुल निर्माणलाई प्राथमिकता दिइएको छ।