काठमाडौँ । पशुपतिनाथ मन्दिर परिसरमा एक युवकको हत्या गरेर फरार रहेका एक साधुलाई प्रहरीले पक्राउ गरेको छ।
पक्राउ पर्नेमा द्रव्यनाथ भन्ने सुबिन रानामगर रहेका छन्। उनीमाथि सङ्खुवासभाका २५ वर्षीय सन्तोष गिरीको हत्या गरेको आरोप छ।
प्रहरीका अनुसार फागुन ६ गते चिम्टा र बाँसको चिर्पटले प्रहार गरी गिरीको हत्या गरिएको थियो। यस घटनामा संलग्न अन्य दुई जनालाई भने प्रहरीले यसअघि नै पक्राउ गरिसकेको छ।
घटनाबारे थप अनुसन्धान भइरहेको प्रहरीले जनाएको छ।
